တိမ်တွေနဲ့ ဆွဲတဲ့ ပန်းချီကား

စုတ်ချက် ဒေါင်လိုက်ဆွဲထားတဲ့ နေ့

 အလျားလိုက် ပြေလျောလျော ဆွဲထားတဲ့ ညနေ

တထပ်ပြီး တထပ်တင်ထားတဲ့ မိုးတိမ်

အဆုပ်လိုက် ပြေးလွှားနေတဲ့ ရေးဟန်

 အလင်း အမှောင်စုံအောင် ဖြည့်ထားတဲ့ တိမ်ပန်းချီ

အတွေးချဉ်ချဉ်

         ကိုရီးယားဇာတ်လမ်းတွဲတွေ မုန်းစရာကောင်းချက်ကတော့.. ဒါဆို မကြည့်ဘဲနေပါလားလို့တော့ မပြောပါနဲ့.. ဇာတ်လမ်းတွေမကြိုက်တတ်ပေမဲ့ အချိန်မှန် အဖေါ်ရတာ ဒီတခုဘဲရှိလို့ပါ..

          ဘာဇာတ်လမ်းဘဲ လာလာ .. မင်းသားက မင်းသား.. လူဆိုးက လူဆိုးဘဲ ဖြစ်ရမှာပေါ့..

    အခုတော့ အစပိုင်းမှာ ကောင်းလွန်းလှတဲ့ မင်းသားလေးက ဆိုးလွန်းလှတဲ့ လူဆိုးမလက်ထဲမှာ အလဲအကွဲခံရတာ သနားလို့မှ မဆုံးသေးခင်..

    သူက လူဆိုးလုပ်နေပြန်တော့ မုန်းဘဲမုန်းရမလို.. အရင်ကကောင်းခဲ့တာလေးတွေကို ဇာတ်လမ်းထဲက တခြားလူတွေ မသိပေမယ့် ကိုယ်ကသိနေတော့ မမုန်းရက်ပြန်...

     မင်းသမီး လူဆိုးမကလဲ ရှေ့ကအကြောင်းလေးတွေ ပြန်ပြပြန်တော့.. အင်း..သူလဲ ဆိုးချင်လို့ ဆိုးတာမှ မဟုတ်ဘဲ.. အကြောင်းလေးကလဲ သင့်... ရုပ်ကလေးကလဲ ချောတော့ ခွင့်လွှတ်လိုက်ဘို့ ပရိသတ်က အဆင်သင့်...

         ငယ်ငယ်က ကွဲကွာတဲ့ သားကို သားပျောက်ရှာတဲ့ အဖေက၂၅ နှစ်ကြာမှ ပြန်တွေ့တော့ သားက ပြန်မလာချင်လို့ မသိချင်ယောင် ဆောင်နေသေး..

      သနားစရာ အဖေရင်းအပြင် သူ့ကို ချမ်းချမ်းသာသာ ကျွေးမွေးပြုစုလာတဲ့ အဖေကလဲ သနားစရာကောင်းနေသေးတာကိုး..  အဖေရင်း ရဲ့ သားပျောက်ကြော်ငြာကိုရပေမဲ့ ပြန်မပေးဘဲ ချစ်လွန်းလို့ ဆက်မွေးထားတာနော်..

       ဒါနဲ့တောင် အဖေအရင်းက စင်မြင့်ပေါ်မှာ ဒူးထောက်ပြီး မွေးစားထားပေးလို့ ကျေးဇူးတင်ကြောင်းပြောတဲ့ ဇာတ်ဝင်ခန်းက ကောင်းလွန်းလို့ တီဗွီကို ပြဿနာလုပ်မလို့ရွယ်နေတဲ့လက်ကို ကျန်တဲ့လက်တဘက်က ပြန်ဆွဲထားရသေး.. 

တီဗွီထပ်ဝယ်ရရင် သူများပြဿနာက ကိုယ့်ပြဿနာဖြစ်ပြီလေ..

      ဆင်းရဲတဲ့ အဖေအရင်းကဘဲ အမြင်မှန်ရပြီးတော့ ချမ်းသာပြီး အားကိုးစရာရှာနေတဲ့ သနားစရာမွေးစားအဖေလက်ထဲ သားကို ပြန်ပေးလိုက်တော့မှ သားရော အဖေတွေရော စိတ်ချမ်းသာ..

      အဲဒီကျမှ ဒါရိုက်တာက အဖေအရင်းကိုလဲ အားကိုးစရာ နောက်မိန်းမ ပေးစားပြီး  သူတို့ ပျော်ရွှင်စွာ ဇာတ်သိမ်းလိုက်နိုင်တာ သနားစရာ.. ကျွတ် ..ကျွတ်..

 
      ယောင်္ကျားက ဖေါက်ပြန်လို့ ကွဲကြတော့မယ့် လင်မယား နှစ်ယောက်ကလဲ နတ်မင်းကြီး ကောင်းမှုကြောင့် ကိုယ်ချင်းလွဲတော့မှ တယောက်အကြောင်း တယောက်နားလည်နိုင်တော့တာ..
      အင်း.. ဟုတ်မလိုလို ရှိတုန်း အရမ်းသည်းခံနိုင်ခဲ့တဲ့ မိန်းမက အရင်ရည်းစားနဲ့ပြန်တွဲနေပြီး.. ဖေါက်ပြန်ခဲ့တဲ့ ယောင်္ကျားက မရှိတော့မှ တမ်းတတယ်ဆိုပြီး နောက်ရည်းစားကို ကန်ထုတ်ပြီး ဇနီးဟောင်းနောက် တကောက်ကောက်ပြန်လိုက်နေရတော့.. မုန်းစရာကနေ သနားစရာပြောင်းသွားပြန်ပြီ..
       နောက်က လိုက်ရှုပ်နေတဲ့ နောက်မိန်းမကလဲ အဖေအမေက စွန့်ပစ်.. အားကိုးမရှိရှာလို့ ဒီလိုဖြစ်ရရှာတာဆိုပြီး ကိုယ်ဘဲ ဒီလောက်အရွယ်ကို မွေးစားရတော့မလိုလိုတွေး..

          မပြောင်းမလဲတာက  အူကြောင်ကြောင်နဲ့  တွေ့သမျှ မြင်သမျှ ခံစားပြီး

    အရေမရ အဖတ်မရ .. ဘယ်ဇာတ်လမ်းမှ ဆုံးအောင်ကြည့်လို့မရ..

     ဘာကြီးလဲဟ.. လူတွေကဒီလိုဘဲ ပြောင်းလဲတတ်ပါပေ့.. မျက်နှာကြီးရာ ဟင်းဖတ်ပါတာပေါ့...     ဘာညာမှတ်ချက်တွေနဲ့     ဆရာကြီးလိုလို..  ဇာတ်လမ်းတိုင်းကို တရားစီရင်သလို.. "လူဆိုးဆိုရင် ထောင်ထဲဝင်.. လူကောင်းဆိုရင် မာစီးဒီးစီး"လို့.. ရိုးရိုးကြီးအတွေးနဲ့ ကြည့်နေတဲ့သူဘဲ စိတ်အချဉ်ပေါက်ပြီး..လူကြမ်းဖြစ်ကျန်ခဲ့ရ..

Status

Unable to move,
  Fear to stand still,
    Dwell in tremble with pain inside,
      Looks more stable in silence.

စိုင်းထီးဆိုင်ရဲ့ မေမြို့ည

  

        
        ကျမအလုပ်ဝင်ခါစမှာ နယ်ကိုသွားရတော့ မနက်ဘက်မှာ အလုပ်ကိုသွားဘို့ အပြေးအလွှား အချိန်လုနေရတာမို့ မလွမ်းအားပေမယ့် ..
       
        ညနေဘက်အိမ်ပြန်ရောက်လို့ ချက်ပြုတ်စားသောက်လို့ပြီးတဲ့အချိန်... မှောင်ရီပျိုးလာတာနဲ့ အလုပ်လုပ်စရာမရှိတော့တာနဲ့ .. အချိန်ကိုက်ဘဲမို့  အဲဒီအချိန်မှာ လွမ်းစရာရှိတာတွေကို အကုန်လွမ်းတော့တာပါဘဲ.. အဖေအမေလဲလွမ်း..  ဘာညာလဲလွမ်း.. ပေါက်ဆီလဲလွမ်း.. သစ်ပင်လဲလွမ်း.. ၀က်မကြီးလဲလွမ်းပေါ့...

       အိပ်မပျော်မချင်း ကက်ဆက်ကို အဆက်မပြတ်ဖွင့်ပြီး လွမ်းရတဲ့ အရသာဟာ ကော်ဖီလိုဘဲ ခါးသလိုလို ချိုသလိုလိုပေါ့.. အမြည်း ကော်ဖီခွက်ကလဲ ဘေးမှာ အဆင်သင့်လေ..
      
        စိုင်းထီးဆိုင်ရဲ့" မေမြို့ည" ကို ကက်ဆက်ကကြားခါစက  မျက်ရည်ကျလောက်အောင် လွမ်းလို့ထပ်ခါထပ်ခါဖွင့်လိုက်ကြတာ.. ကျမနဲ့ တအိမ်ထဲ အတူနေတဲ့ သူငယ်ချင်းအစ်မ နဲ့ နှစ်ယောက်သား.. သူတလှည့်ဖွင့်လို့ပြီးသွားရင် ကိုယ်တလှည့်ဖွင့်....

        စိုင်းထီးဆိုင်ရဲ့ အသံဝဲ၀ဲလေးကို သေချာနားလည်လာတော့မှ .. ဟင်.. ဒီသီချင်းက ဖဲဝိုင်းမှာထိုင်ရင်း လွမ်းနေတာပါလားလို့ သိလာတာ..  စိတ်ထဲမှာ ခုလုခုလု ဖြစ်သွားပေမဲ့ သံစဉ်နဲ့စာသားကို အရမ်းကြိုက်တော့ ထပ်ပြီး  မဖွင့်ဘဲ မနေနိုင်.. မလွမ်းဘဲ မနေနိုင်..       ဟိဟိ..  ခုထိကြိုက်နေတုန်းဘဲ..

       အခုများ  Angry Bird ပစ်ရင်း လွမ်းတဲ့ သီချင်းရေးပေးရင်  အဲဒီလို လွမ်းလွမ်းလေး ဆိုလိုက်ချင်သေးတယ်..

( ဒီသီချင်း upload လုပ်ထားပေးတဲ့ http://www.youtube.com/user/kyaw246 ကိုကျေးဇူးတင်ပါတယ် )

မှတ်စု

မှတ်စု(၁)


ဒီလိုတွေ ဟိုလိုတွေ စကားတွေ အများကြီးပြောပြီးမှ
  သဘောပေါက်လိုက်တာက အကြောင်းနှစ်ချက်ဘဲ ရှိတယ်.. 
  မျိုချခဲ့တဲ့ စကားက နှစ်ခွန်းထဲပေမယ့်
  ဘယ်လောက်တောင် ဖေါင်းပွလိုက်သလဲ.. ရင်ထဲ ကြပ်နေတာဘဲ..
  အမှန်တရားက ဘယ်လောက်ခါးသီးသလဲဆိုတာ
  ကိုယ်တွေ့ကြုံမှ သေလုအောင်ခါး..





မှတ်စု(၂)  


ဒူးမထောက်ဘူး အသေခံမယ်လို့ စိမ်ခေါ်ပြီးမှတော့
  ဘယ်ခြောက် ညာလှမ်းနဲ့ ဒူးထောက်ဘို့ဘဲ တွန်းအားပေးနေရင်
  သူဘာလိုချင်နေလဲဆိုတာ သိဘို့ကောင်းတာပေါ့..
  နှစ်ခုလုံး ဘာရရ လိုချင်နေတယ်ဆိုတာ..






မှတ်စု (၃) ၁၂ ရက် စက်တင်ဘာ ၂၀၁၂

မနက်ခင်း လေအေးနဲ့ နေခြည်နွေးကို ရတဲ့အခါ  မင်္ဂလာပါ ကမ္ဘာကြီး လို့နှုတ်ဆက်ရင်း 
       အသက်ရှင်နေရတာ ကျေးဇူးတင်ခဲ့.. 
      ၂၀၀၅ မနက်ခင်းတခုမှာ..

ပူပြင်းတဲ့ နေ့လည်မှာ လေရိုင်းတွေတိုက်ရင် အကာအကွယ်ရှာရင်း
       ဘ၀ဆိုတာ ဒါလားတွေးရင်း..  
      ၂၀၁၀ နေ့လည်ခင်းတခုမှာ..

ညနေခင်းရဲ့ သူများတွေ အမောဖြေစရာ ရှုခင်းကို
       ရယ်တ၀က် ငိုတ၀က် ငေးမောရင်း
       အမောပြေတာလား .. လက်လျှော့တာလား မရေမရာ.. 
      ၂၀၁၂ နှစ်ဆန်းက ညနေခင်းတခုမှာ..

ညရဲ့ တိတ်ဆိတ်မှုမှာ ဘာမှားခဲ့လဲ .. ဘာက အမှန်တရားလဲ ပြန်သုံးသပ်ရင်း
      မနက်မှာ နိုးလာချင်သလား ဆက်အိပ်လိုက်ရတော့မလား..
      ပူလိုက်အေးလိုက် ငိုလိုက်ရယ်လိုက်
      ပေဖြစ်ရင် ခံလိုက်ပေါ့.. တူတော့ တစ်ခါလေးတောင် မဖြစ်ခဲ့တဲ့ သံသရာ
      လွတ်အောင်ရုန်းချင်လား.. သေတဲ့ထိ ခေါင်းငုံ့နေရတော့မလား မသေချာ...
      ၂၀၁၂ စက်တင်ဘာ..

ဒီနေ့

             ညကအိပ်မရဘူး.. လေမတိုက်တော့ တော်တော်ပူတယ်.. air cond ဖွင့်ဘို့စဉ်းစားလိုက်ရင်လဲ PUB bill  အကြီးကြီးထွက်လာမှာ စိုးလို့ ပေ အိပ်လိုက်တယ်..
             ယောင်္ကျားက တစ်ညလုံးချောင်းဆိုးပြီး မနက်ကျတော့ သူမဟုတ်သလိုနဲ့ ရုံးထသွားတယ်.. 
ကိုယ်ကတော့ အိပ်မပျော်ခဲ့တာ ကိုယ်မဟုတ်သလိုနဲ့ ပြန်မအိပ်ဘဲ ကွန်ပြူတာရှေ့ရောက်နေပြီ..

            ကွန်ပြူတာထဲမှာလဲ ဆူညံနေတယ် .. ပြည်တော်ပြန်တွေကို ကြိုဆိုသူနဲ့ ဦးအောင် ခေါင်းလှမ်းရိုက်ချိုးတဲ့သူနဲ့..
             အချင်းချင်းသတ်လို့ အပြစ်ကြီးသလား.. ဆန့်ကျင်ဘက်ကို သတ်လို့ အပြစ်ကြီးသလား.. ကိုယ်စဉ်းစားတော့လဲ သူများအသက်သတ်ရင် အပြစ်ကြီးတာဘဲ မဟုတ်လား..
            စိတ်ဆင်းရဲအောင် လုပ်တာနဲ့တင် အပြစ်ရှိနေပြီလို့ တွေးနေမိတယ်..

          ရှေ့ဆက်တိုးဘို့ အဓိကလား.. နောက်ကြောင်းရှင်းဘို့ အဓိကလား..
အင်း... ရှေ့တိုက်က ဆေးရောင်အဖြူကြီးကတော့ ကိုယ်မျက်လုံးကို ပင်ပန်းစေတယ်.. လီရှန်လုံးကို တိုင်ရင်ကောင်းမလား..
          အလင်းရောင်ကို မကြည့်နိုင်လို့ TV ဘက်လှည့်တော့ TVက မင်းသမီးရှေ့မှာ ပြတင်းပေါက်ကို ကျောပေးထားတဲ့ ကိုယ့်အရိပ်မဲမဲကြီး.. အမယ်လေး.. သရဲကားကြည့်ရသလိုဘဲ..

            မနက်က ပေါင်မုန့် ၃ ချပ်ဘဲကျန်လို့ ယောင်္ကျားကို ၂ ချပ်မီးကင် ထောပတ်သုတ်ပေးပြီး ကိုယ်တစ်ချပ်နဲ့ မနက်စာပြီးလိုက်ရလို့ စောစောစီးစီး ဘိုက်ဆာနေတာ  ဘယ်သူ့ကို တိုင်ရင်ကောင်းးမလဲ..
            Canadian Pizza ဆိုရင် မြန်မြန်မရဘူး.. အိမ်နား ဒိလောက်ကပ်နေတာတောင် ၄၅ မိနစ်စောင့်ရမယ်တဲ့.. ရောင်းရဦးမယ်..

           ဘိုက်ထဲမှာ ဘာမှ ရေရေရာရာ မရှိတာတောင် အစာမကျေတာတွေ များလိုက်တာ.. တော်ပြီ.. ပြန်အိပ်တော့မယ်..
           ဘိုက်ထဲက ဂွီကနဲ မြည်ပြီး ပြန်နိုးလာတော့မှ စားစရာထရှာစားတော့မယ်.. 
Mr Bean  အိုက်တင်နဲ့ ရေခဲသေတ္တာထဲ ဘာမှ မရှိမှန်းသိပေမယ့်  လိုက်ရှာကြည့်လိုက်ရင်း ..
 ကြက်ဥတွေ တွေ့တော့မှ ၀မ်းသာသလို အမူအရာ လုပ်ပြီး ကြော်စားလိုက်တော့မယ်..          ဆီကျန်သေးပါစေ... (အိပ်ယာထဲက ဆုတောင်းသံ)

Tiger green tea လေး သောက်ကြပါဦး ...

အဝေးက အရာများ..

မျက်စေ့ရဲ့ အဆုံးမှာ မိုးရွာနေတယ်...
လေတိုက်တဲ့အခါ မိုးသက်လေရဲ့ မွှေးတဲ့အနံ့ကိုတောင် ရလာသလိုဘဲ..
အေးမြခြင်းကို မျက်လုံးနဲ့ ဘဲ လှမ်းခံစားကြည့်တယ်..
စိတ်ကူးထဲမှာ မိုးရေကို လက်နဲ့ခံရင်း ကျောရိုးထဲထိ စိမ့်အေးတဲ့ အရသာကို တွေးကြည့်တယ်...

အဲဒီမှာ မိုးရွာပြီး ဘာလို့ ငါ့ဆီကို မိုးကမလာတာလဲ.. လောဘများတဲ့ငါ..
မြင်ရုံနဲ့ ခံစားလို့ မရဘူးလေ.. မုဒိတာမရှိတဲ့ ငါ..
သူတို့ ရေပုံးမှာ လျှံနေပြီလေ.. ဘာလို့ ချောင်းကြည့်နေတာလဲ.. ဥပက္ခာမရှိတဲ့ ငါ..

 လိုချင်တာရနေရင်တော့ မပူလောင်ဘူး...
 ဆုံးရှုံးတာ မရှိရင်တော့ တရားနဲ့ဖြေစရာမလိုဘူး..

 ဒုက္ခတွေ့လို့သာ မကြာခဏ ဘုရားတ တတ်တာဆိုတော့  နိဗ္ဗာန်နဲ့ ခြေတလှမ်း ပိုနီးပြီ..
(ဟင်... ငါက သာ တာပေါ့.....)

ပိုဝေး သွားလား ..

ငါ ဘာကောင်လဲ?

ဝေးနေတုန်းက သတိရတယ်ပြောတာကို ယုံစားပြီး

နီးတော့မှ ကန်ထုတ်နေလားလို့ မြင်ရတာတောင် မယုံရဲတဲ့ကောင်..

ကိုယ့်အတွက် အချိန်တွေသုံးဘို့ နှမြောလို့

မင်းအတွက် အချိန်တွေပေးရင်း အချိန်တန်ဘိုး မသိတဲ့လူလို့ သမုတ်ခံရတဲ့ကောင်..

အဆင်သင့်တွေ လုပ်ပေးလို့ မြင်ရတာလွယ်ကူနေတော့လဲ

မင်းအမြင်မှာ တန်ဘိုးမရှိတာတွေဘဲ လုပ်နေတဲ့ကောင်...

တန်ဘိုးမထားတာတွေ မလုပ်တော့ရင်လဲ

တန်ဘိုးရှိမယ့်ဘာမှ လုပ်စရာမရှိတော့တဲ့ကောင်..

လုပ်ကိုင်ရင်းနဲ့ အမှားတွေ့မလားလို့

တခွန်းကပိုမေးမိလို့ ငတုံး ငအ အမြင်ခံရတဲ့ကောင်...

မမြင်ချင်လို့ ရှောင်နေမှန်းမသိဘဲ

စိတ်ညစ်နေလားလို့ အလိုက်မသိ ဖေးမ,ဘို့ ကြိုးစားမိတဲ့ကောင်..

အနားသွားရင် အနှောက်အယှက်ဖြစ်မလားတွေးလို့

အလိုက်သိ ရှောင်နေတာများတော့ အမေ့ခံရတဲ့ကောင်..

အဝေးက ငေးကြည့်ရင်း.. ဘာလုပ်ပေးနိုင်မလဲ တွေးကြည့်ရင်း

အနီးက နေရာပျောက်သွားရတဲ့ကောင်..

သံယောဇဉ် ဆိုတာကို ဖြတ်ဘို့ကြိုးစားရင်း

ချစ်ရမှန်း မသိတော့ မုန်းရမှန်းလဲ မသိတော့တဲ့ကောင်...

မသိတာတွေများတော့ ခေါင်းပေါ်တက်လဲမသိ

ခြေထောက်နဲ့ ပိတ်ကန်ခံရလဲ မသိသလိုနေနိုင်တဲ့

ထုံပေပေ အကောင်..

အကောင်တော့ အကောင်... ဘာကောင်မှန်း ကိုယ်တိုင်တောင် မသိတော့တဲ့ အကောင်..

Bonsai

        Chinese garden ထဲက Bonsai သစ်ပင် သက်ကြီးပုလေးတွေ.. 

       အမြင်လှဘို့... အသက်ရှည်ပေမဲ့ ချစ်စဘွယ်ဖြစ်ဘို့.. အကန့်အသတ်နဲ့ နေခဲ့ရတဲ့ သက်တမ်းတွေကို ပန်းအိုးလေးတွေမှာ စာထိုးထားပါတယ်.. နှစ်ပေါင်း ၆၀.. ၇၅.. ၈၀.. ၁၀၀ စသည်ဖြင့်ပေါ့.. 

          


         တွေ့စက ချစ်ဘို့ကောင်းလိုက်တာလို့ တွေးပေမဲ့...

   
       ခုတော့ သူတို့ရဲ့သက်တမ်းရှိသမျှမှာ  အကန့်အသတ်နဲ့ သုံးစွဲခဲ့ရတဲ့ မြေဆီသြဇာနဲ့ အကန့်အသတ်ရှိတဲ့ အမြစ်ထိုးဖေါက်စွဲဝင်နိုင်မှုတို့ကို တစိမ့်စိမ့် သဘောပေါက်လာပြီး  အသက်ရှူကြပ်လောက်အောင် ကိုယ်ချင်းစာစိတ်ဖြစ်လာစေတဲ့ ပုံလေးတွေပါ..

   သစ်ပင်တွေကို သဘာဝအတိုင်း ရေ မြေ လေ အားလုံး လိုချင်သလောက် စုပ်ယူနိုင်ဘို့...
   အမြစ်တွေ အကိုင်းတွေ သွားချင်သလောက် ခရီးဆန့်နိုင်ဘို့.. အခွင့်အရေးပေးပြီး မိခင်မြေကြီးပေါ်မှာဘဲ စိုက်ကြရအောင်..

               

                   

                   

နေရာ

တချို့က နေစရာ 'နေရာ' ရှာနေသူတွေ အရူးအမူး ရှာနေချိန်မှာ

တချို့က နေစရာ 'နေရာ' ကို ခွဲဝေပေးဘို့ အပြင်းအထန် ငြင်းဆန်နေချိန်မှာ

ကိုယ်ကတော့ မကြာခင်မှာ လစ်ဟာတော့မယ့်'နေရာ'ကို ကြည့်ပြီး သွေးပျက်နေခဲ့..

တရွာပြောင်းလို့ သူကောင်းဖြစ်သွားသူတွေကြား မင်းပါမှ ပါပါ့မလား..

နောက်စကားပုံ တခုကိုတော့ ပြောလို့တောင် မထွက်နိုင်တော့

အားလုံးအဆင်ပြေကြပါစေပေါ့.. 

(ကိုယ်ရဲ့ လက်ကျန် နေရမယ့်အချိန်တွေဟာ အဆင်ပြေတဲ့ အထဲမှာ 

ဘယ်တော့မှ ပါမှာမဟုတ်တာ သေချာသွားပြီ..)

ကိုယ်ပိုင်မဟုတ်တဲ့ 'နေရာ'မှာ နေထိုင်သူတွေရဲ့ ဒုက္ခကို မျက်မြင်ကြုံရလည်း..

လောကမှာ ကိုယ်ပိုင်တဲ့ 'နေရာ' ရှိမှရှိရဲ့လားလို့ မသေချာပေမယ့်လည်း..

ကိုယ့်သဘောနဲ့ကိုယ် နေနိုင် သွားနိုင်တဲ့ 'နေရာ'တခုတော့ လိုကြမယ်လို့ စာနာပေမယ့်လည်း..

ဘယ်သူက ကိုယ့်'နေရာ'ကို ခွဲပေးနိုင်မှာလဲ ဆိုတာလဲ တွေးစရာတခုပါဘဲ..

အမိန့်သြဇာ မသက်ရောက်တာ ကိုယ့်'နေရာ'ကိုယ် မယူထားနိုင်လို့ပေါ့..

သာတဲ့ 'နေရာ'ကို ပြောင်းကြတာ ဓမ္မတာဆိုရင် ထားခဲ့တာက အနေမသာတဲ့ 'နေရာ'မို့ပေါ့..

ပျော်ရာ နိဗ္ဗန်ပေါ့.. နိဗ္ဗန်မသွားရရင် ငရဲမှာ နေရသလို စိတ်ဆင်းရဲနေခဲ့တာလား..

'နေရာ'အကြောင်း ပြောတဲ့ အသံကြားတိုင်း အတွေးတွေ ခရီးရှည်လို့.. 

သူ့'နေရာ'ကတွေး.. ကိုယ့်'နေရာ'ကတွေး..

'နေရာ' တိုင်းဟာ လောဘနဲ့တွေးတော့ ဗုန်းတွေလိုဘဲ.. ထိတိုင်း ကွဲနေတယ်..

ဆယ်သောသူ မုန်းမိမယ်

 ဆေးရုံဆိုတာ လူမစည်အပ်တဲ့ အရပ်လို့ဆိုရိုးစကားရှိထားလို့.. ကိုယ်တိုင်လဲ ရန်ကုန်ဆေးရုံကြီးမှာ အဖေတစ်လကျော်ကြာအောင် ဆေးရုံတက်ထားတဲ့ အတွေ့အကြုံလဲ ရှိတော့ ကျမက ဆေးရုံသွားရမယ်ဆိုရင် စိတ်က အမြဲတွန့်ဆုတ်နေမိတာ ...
                       
                     ကိုယ်တိုင်ဆေးရုံသွားစရာ ကိစ္စမရှိပေမဲ့ ယောင်္ကျားက သွေးတိုးကြောင့် ၆လ တစ်ခါ ဆေးစစ်နေရတော့ SGH ကို ခဏခဏရောက်ဖြစ်လာပါတယ်.. ရန်ကုန်ဆေးရုံကြီးနဲ့ ဘာမှမဆိုင်အောင် သန့်ပြန့်ပြီး လာဘို့ တွန့်ဆုတ်စရာမရှိအောင် စနစ်တကျလုပ်ထားပေမဲ့ ဆေးရုံဆိုတာ ဝေဒနာသည်တွေ လာဘို့နေရာမို့ အားတိုင်းလာချင်စရာတော့ မဟုတ်ပါဘူး။

                ပြီးခဲ့တဲ့ နှစ်နှစ်ကုန်ခါနီးလောက်က ကျမခင်ပွန်းရဲ့ အဒေါ် ရန်ကုန်မှာ စမ်းသပ်ကုသခံရင်း သိခဲ့ရတဲ့ ကင်ဆာရောဂါကြောင့် မြို့ထဲက ဆေးရုံတစ်ခုမှာကုဘို့ ရောက်လာခဲ့ပါတယ်..  အဒေါ်အရင်းမို့ လေဆိပ်ကို သွားကြိုပြီး ဆေးရုံကို ပို့ပေးဘို့.. လိုအပ်တဲ့ ပစ္စည်း စားစရာ တွေ ပို့ပေးဘို့.. စ,တာတွေဟာ ၀တ္တရားအရအပြင် အမေအစားပြန်ရပြီး  ပြုစုပေးရတယ်လို့ ထင်လောက်အောင်ဘဲ အဒေါ်ဟာ အသက်ကြီးလာချိန်မှာ ကွယ်လွန်သူ ကျမ ယောက္ခမနဲ့ အသံကအစ တူလာခဲ့ပါတယ်။  ကျမတို့မိသားစုဟာ တွေ့တွေ့ချင်းမှာ အံ့သြတွေဝေနေခဲ့ကြပြီး အမေနဲ့တူလာလိုက်တာဆိုတာကို ပြောမပြီးနိုင်ပါဘဲ။

       အဒေါ်နဲ့အတူ သားတယောက် သမီးတယောက် ပြုစုဘို့ ပါလာခဲ့ပြီး ကင်ဆာထုံးစံအတိုင်း ဆေးထိုး ဆေးစား စ,လုပ်တဲ့ အခါမှာတော့ ရန်ကုန်မှာ ကျန်ခဲ့တဲ့ သမီး နှစ်ယောက် ကလဲ လုပ်ငန်းအားလုံးကို လွှဲခဲ့ပြီး လိုက်လာကြပါတယ်။
        အဲဒီဆေးရုံက ဆေးရုံသက်သက် မဟုတ်ဘဲ အောက်ထပ်မှာ hotel နဲ့တွဲထားတော့ ဆေးထိုးမယ့်ရက်မှာ အပေါ်ထပ်က ဆေးရုံမှာ တစ်ရက်တက်ပြီး ဆေးထိုးပြီးရင် အောက်ထပ်က hotel အခန်းမှာ ပြန်လာနေလို့ရတော့ ကျမတို့လဲ ညမအိပ်ရုံတမယ်ဘဲ...အဲဒီမှာ မိသားစုတွေ့ဆုံပွဲကြီးပေါ့..

          အဒေါ်က ကင်ဆာရောဂါသည်နဲ့မတူအောင်ဘဲ လန်းဆန်းနေတတ်ပြီး ကျမတို့ ရောက်သွားရင် ညက အောင့်လို့ မအိပ်နိုင်ဘူးလို့ပြောရင်လဲ ပြုံးပြုံးလေးပါဘဲ.. အဒေါ်အောင့်လို့ လှဲအိပ်နေတာ သုံးလေးခါ တွေ့ဘူးပေမယ့် သားသမီးတွေက လက်ကလေး ခြေကလေး လှုပ်ဘို့မလိုအောင်ကို ပြုစုနေကြတော့ ကျမက တခါတခါ ရုပ်ရှင်ကြည့်နေရသလိုဘဲလို့တောင် တွေးမိပါရဲ့.. တမိပေါက် တယောက်ထွန်းတဲ့  ဆန်ရေတွေ တွေ့ဘူးကြားဘူးပေမယ့် ရှိသမျှသားသမီးက ဒီအမေကို တန်ဘိုးထားပြုစုနေကြတာတွေ့ရတော့ အဒေါ်ရဲ့ရောဂါကို အံတုနိုင်တဲ့ အစွမ်းတွေဘယ်ကရလာလဲ ဆိုတာ ကျမမှန်းကြည့်နိုင်ခဲ့ပါတယ်..

             ဆေးထိုးလိုက် နားလိုက် နဲ့.. ရန်ကုန်ပြန်လိုက် ပြန်လာဆေးထိုးလိုက် လုပ်ရတာ နှစ်ပါတ် သုံးပါတ်ခြား တစ်ခါမို့ အခုဆိုရင် အဒေါ်နဲ့ သားသမီး လေးယောက် အသွားအပြန်နဲ့ဆေးကုနေတာ ငါးခါ ခြောက်ခါရှိပါပြီ..

           အခေါက်တိုင်းမှာ အမေဟိုဘက်လှည့် ဒီဘက်လှည်ဘို့.. ရေခပ်ပေး ရေနွေးမှုတ်ပေး ပြုစုဘို့.. အမေစားချင်တာကို အချိန်မရွေးပြေးဝယ်ဘို့.. အမေနေ့တိုင်းစားတဲ့ မုန့်ဟင်းခါးနေ့တိုင်းချက်ဘို့.. ဆေးတိုက်တဲ့အကြိမ်တိုင်း စာရင်းမှတ်ဘို့..  စတဲ့ အလုပ်တွေကို မငြိုမငြင်တာဝန်ခွဲလုပ်နေကြတဲ့ သားသမီးတွေကို မြင်ရတာ ဆေးရုံရောက်နေပါလားဆိုတာကို မေ့တောင်မေ့နေပါရဲ့..  ပြန်ခါနီးတိုင်း အဒေါ်က သားသမီးတွေ အလုပ်အကိုင်ပျက်နဲ့ လာရသွားရမို့ မလာချင်တော့ဘူးလို့ ပြောပေမယ့် သားသမီးအားလုံးက တညီတည်း ဒီလောက်သက်သာလာတာ ဆက်ကုပါလို့ တိုက်တွန်းပြီး နောက်တခေါက်အတွက် လေယာဉ်လက်မှတ်ပါ တခါတည်း ပြင်ဆင်သွားမြဲပါဘဲ ...

               ကျမကတော့ အကုန်အကျတွေကို စိတ်နဲ့ လိုက်ပေါင်းကြည့်ရင်း..  ငါဖြစ်ရင်တော့ မကုကြပါနဲ့လို့ မှာပေမယ့်  အနားမှာ သားသမီးတွေဝိုင်းပြီးနေတဲ့ အရသာကိုတော့ ခံချင်မိသား...                 

             
              ရုပ်ရှင်ထဲမင်းသမီးလေးပြောသလိုဘဲ ကိုယ့်ကို ဂရုစိုက်ခံရအောင် ငါ့မှာလဲ  နှလုံးရောဂါရှိချင်လိုက်တာ လို့ပြောရရင် ကောင်းမလား...

             
              ဒီလိုဘ၀မှာ နေရရင်တော့ တင်တင်မြသီချင်းလို  ဒီသံသရာဝဲထဲမှာ လည်ချင်လွန်းလို့ ဆယ်တဲ့သူကို မုန်းမိမယ်လို့ဘဲ ဟစ်ကြွေးမိမလားဘဲ...

( မိဘကို ပြုစုလုပ်ကျွေးရင်း အဖေများနေ့၊အမေများနေ့ကို နေ့တိုင်းကျင်းပနေကြသော သားသမီးများသို့..)

လွှတ်ချခြင်း

          ဒီအရွယ်ကြီးနဲ့တော့ အသဲမကွဲတော့ပါဘူး.. ရင်ကွဲသံ ပါ..

        ရှေ့ဆက်ဘို့ မဖြစ်တော့ရင် ဒီမှာဘဲ ရပ်ကြတာက ဒါဏ်ရာကျန်တာနည်းလိမ့်မယ်..
              လျော့ယဲလာတဲ့လက်နဲ့ ဆက်ကိုင်ထားရတာ အားမရှိတော့ ကျကွဲမယ့်အချိန်ကို စောင့်နေရသလိုဘဲ..
               ပြတ်ပြီးတဲ့ကြိုး ဆက်ရာအထုံးနဲ့ မထားနဲ့တော့..
               ငိုထားတဲ့မျက်နှာ မမြင်ရစေဘူး..
     ငါ့ဘက်က ဘာအကျိုးမှ မမျှော်ကိုးခဲ့လို့ ဘာနောင်တမှ မရဘူးဆိုတာသေချာတယ်..
                 ကျိန်စာမဆိုတာလဲ သေချာတယ်..
                        ခွင့်မလွှတ်တာလဲ သေချာတယ်..
           မင်းဘက်က နောင်တမရတာ သေချာရင် နှောင်ကြိုးအားလုံး ပြတ်သွားပြီလို့ ခံယူပြီး နောင်လာမယ့် ဘ၀သစ်အတွက် ပြင်ဆင်ပါတော့..
            မေတ္တာမှာ အသွားအပြန်ရှိပေမဲ့ နာကျည်းမှုမှာ ပြန်လမ်းမရှိဘူး..

သီချင်းမပါနိုင်ဘူး..

လေဟာနယ်ကို ကြည့်ပြီး  တိတ်ဆိတ်ခြင်းသီချင်းသံ ကိုဘဲ နားဆင်ပေးကြပါ..
ခြောက်ကပ်ကပ် အခါးရည်လေးနဲ့ပေါ့..

စိုထိုင်းဆများနေတဲ့ ဒီ Blog ခဏလောက်နားပါမယ်။ အားလုံးခြောက်သွေ့သွားရင်ပြန်တွေ့ကြတာပေါ့..

Myandroid and zaw gyi

Myandroid soft keyboard သုံးလို့.ရပြီ။ ဟူးရေး....

ကိုယ့်ကိုယ်ကို အားပေးခြင်း

ကမ်းပါးစွန်းပေါ်တက်ပြီး ရပ်နေတဲ့ပုံ..
မီးခိုးနံ့ကြောင့် အသက်မရှူနိုင်တော့ဘူးလို့ ရေးတဲ့စာ..
ငါမရှိရင် ငါ့ချစ်သူကို စောင့်ရှောက်ပါလို့ရေးတဲ့ သေတမ်းပို့စ်.. တွေကို like လုပ်ပြီး အားပေးနေကြတဲ့ face book ခေတ်ထဲမှာ..

တော်သေးတာပေါ့..
L ဖြူ နဲ့ထူးအိမ်သင်က
နေ၀င်တာ နောက်ထပ်ကြုံအုံးမယ်.. တဲ့
အချိန်တန်ရင် နှုတ်ဆက်ရမယ်.. တဲ့

ကြုံတာကို ဆုံလိုက်ဘို့ အသင့်ပြင်.. တဲ့..

နှုတ်ဆက်ဘို့ အဆင်သင့်ပြင်ထားတဲ့ နေ၀င်ချိန်ရောက်ရင်လဲ.. လနဲ့ကြယ်တွေ မြင်ရဘို့အတွက် အသက်ဆက်ရှင်နေရမယ်..

(Self suggestion)

 သီချင်းကို http://www.youtube.com/watch?v=8Q3TxdG6d00&feature=related မှ download ယူပါသည်။

မိုးနတ်မင်းသို့..

နောက်ထပ်ပုံပြင် မဟုတ်ပါဘူး..

         လူ့လောကထဲက ရယ်စရာ မောစရာ တခုပါ.. ရယ်စရာရယ် မောစရာရယ် တွဲလာတတ်တယ်လေ..

         ကျမသူငယ်ချင်းက  နိုင်ငံရပ်ခြားမှာ နှစ်ပေါင်းများစွာ အလုပ်လုပ်ပြီး ရှာဖွေလာတဲ့ ငွေနဲ့ ပြန်လာပြီး လုပ်ငန်းတခုလုပ်ပါတယ်.. အင်ဂျင်နီယာတွေရဲ့ ထုံးစံအတိုင်း Construction ပေါ့..
          ပန်းရံတောင် တိုက်ဆောက်နိုင်တဲ့ နေရာမှာ သူက Civil မဟုတ်ပေမဲ့ အင်ဂျင်နီယာတော့ အင်ဂျင်နီယာဘဲလေ.. သူ့ အတွေ့အကြုံတွေနဲ့ လေ့လာမှုတွေနဲ့ ဖြစ်အောင်လုပ်နိုင်ပါတယ်..
       
          ဒါပေမဲ့ခက်တာက အင်ဂျင်နီယာအသိအမြင်နဲ့ ဘာမှမဆိုင်တဲ့ အခက်အခဲတွေကျတော့ သူပင်ပင်ပန်းပန်း ရင်ဆိုင်ရပါတယ်...  လေ့လာရုံနဲ့ မသိတဲ့ အရာတွေအပေါ်မှာ သူ့ကိုယ်သူ ဘယ်လို ခံယူလုပ်ကိုင်ရမှန်းမသိ ဖြစ်လာတဲ့ အချိန်မှာ ကျမကို မေးပါတယ်..
          ပေါင်ချိန်ဇာတ်လမ်းကြည့်လားတဲ့.. ကြည့်တာပေါ့လို့ ပြောတော့ ပေါင်ချိန်တောင် မဖြေရှင်းနိုင်တဲ့ အမှုတွေဆိုရင်.. ဆိုလိုတာက တရားမျှတဘို့ကို သိရက်နဲ့ ရှေ့ဆက်မတိုးနိုင်ရင် ပေါင်ချိန်ဘာလုပ်လဲ တွေ့တယ်မလားတဲ့..
          ကျမတော့ သူလမ်းမပေါ်မှာ လက်နှစ်ဘက် ခြေနှစ်ဘက်ကားပြီး မိုးပေါ်မော့နေတဲ့ပုံကို မျက်စေ့ထဲ ကွင်းကနဲ မြင်ယောင်လိုက်ပါတယ်..
       
           ကျမက .. သူ့ကို နင်လမ်းပေါ်တက်ပြီး  " မိုးနတ်မင်း  ကြည့်မနေပါနဲ့ " လို့ ခဏခဏထွက်မအော်နဲ့လို့.. မိုးနတ်မင်းက ပစ်စရာများပြီး  ၀ရဇိန်ရှားပါးရင် နားပူနားဆာလုပ်တဲ့ နင့်ကိုဘဲ ပစ်လိုက်လိမ့်မယ်လို့ ပြောလိုက်ပါတယ်..ဟိ ဟိ.. ကျမ ပညာပေးကောင်းလို့ နောက်ထပ်ဘာမှမကြားရဘဲ နားအေးသွားပါတော့တယ်.. ( အဲဒီတုန်းက  ခွေးအိုကြီးပုံပြင်တောင် မပြောလိုက်ရဘူး.. အခုရှာဖတ်ကြည့်လိုက်နော်..)
         
            လေ့လာရုံနဲ့ မသိတဲ့ အရာတွေဟာလဲ ကြာလာတော့ အတွေ့အကြုံတွေဖြစ်လာပြီး ကျော်လွှားနိုင်ခဲ့လား.. လက်လွှတ်လိုက်သလား မသိပါဘူး.. ကျမအမေ ကင်ဆာရောဂါဖြစ်လို့ သူငယ်ချင်းများအပေါ် အာရုံမစိုက်မိဘဲ အမေ ဆုံးပါးချိန်မှာဘဲ သူလဲ သူ့ရဲ့ လက်စွမ်းပြ ပရောဂျက်အပြီးမှာ သူ့လုပ်ငန်းကိုရပ်လိုက်ပါတယ်..

              အခု သူ တနေရာမှာ သားနဲ့ မယားနဲ့ ကြီးပွားနေပါပြီ.. သူက အတွေ့အကြုံ ပိုများသွားလို့လားမသိဘူး.. Gmail status မှာ တရားစာလေးနဲ့.. သဘောကတော့ လမ်းပေါ်မှာ မိုးနတ်မင်းကို တိုင်တည်စရာမလိုတော့ဘဲ  မိမိကိုယ်ကို ကောင်းစွာဆောက်တည်နိုင်ပြီပေါ့..

             ကျမကတော့ အခုမှ ဒုက္ခကို အလုံးအထည်နဲ့ မြင်ဘူးတာလားလို့တောင် ထင်မိတယ်.. အရင်ကကြုံဘူးတာတွေက အခုဒုက္ခလောက် မဆိုးဘူးလားဘဲ ( တွေးနေကျ အတွေးပါ ).. ကျမက အော်ပြီးမတိုင်တည်တတ်ဘဲ ဘုတ်အုပ်ထဲမှာဘဲ ရေးပြီးမှတ်ထားတတ်တယ်.. အဲဒီတော့ မိုးနတ်မင်းက ကျမကို ဘယ်သိမှာလဲ..
       
            မိုးနတ်မင်းရဲ့ email address လေးများရှိရင် ပေးကြပါ.. ကိုယ့်စကားနဲ့ကိုယ် ထွက်မအော်ရဲလို့ တိုင်တည်ချင်တာရှိရင် email နဲ့ တိုင်တည်ရအောင်လို့..

 (စိတ်ကို ကောင်းစွာဆောက်တည်နိုင်အောင်လို့လဲ ကြိုးစားနေပါတယ်.. :p)

အတွေးပုံပြင်(၁)

          ပုံပြောပြချင်ပါတယ်... ပြောပြချင်လွန်းလို့ အူထဲအသဲထဲက ကလိကလိဖြစ်အောင် ပြောချင်လွန်းလို့ နားဆင်ပေးကြပါ.. အဲလေ.. သည်းခံဖတ်ပေးကြပါနော...

           တခါတုန်းက ရွာနီးချုပ်စပ်တနေရာမှာ ရွာထဲက ခွေးအိုကြီးတကောင်နဲ့ တောထဲက ကျားအိုကြီးတကောင် ဆုံမိကြသတဲ့...

           ဟယ်လို.. ဟိုင်းဟိုင်း တွေနဲ့ နှုတ်ဆက်ကြသေးလားတော့ မသိပါဘူး.. နောက်ပိုင်းမှာတော့ လူအိုတွေရဲ့ ထုံးစံအတိုင်း.. မှားပြန်ပြီ.. အကောင်အိုတွေရဲ့ထုံးစံအတိုင်း ငြီးငြူပြကြတာပေါ့...
          ဒါပေမဲ့ ခွေးအိုကြီးက ခွေးလိုငြီး ကျားအိုကြီးက ကျားလိုငြီ်းတော့ ဘာသာစကားကတော့ မတူဘူးလေ.. ခွေးအိုကြီးအသံက တအီအီနဲ့ ခွေးငြီးသံ ထွက်ပြီး ကျားအိုကြီးငြီ်းသံကတော့ ကြိတ်ပြီးမာန်ဖီသံထွက်တာပေါ့..

          ခွေးအိုကြီး ငြီ်းတာက ဒီလိုပါ..
         "ငါ့ကိုမစားပါနဲ့ကွာ.. အရိုးပြိုင်းပြိုင်းနဲ့မို့ မင်းအတွက် အရိုးစူးရုံဘဲရှိပေမဲ့ ငါ့သခင်အတွက်တော့ ငါက ဟောင်သံပေးပြီး သူခိုးရန်က ကာကွယ်ပေးနိုင်ပါသေးတယ်...  ငါ့ကို မသနားတောင် ငါ့သခင်ကို သနားပါ.. ရှာထားသမျှ သူခိုးစားသွားရင် ငါ့သခင် ရူးရပါလိမ့်မယ်.." စသည်ဖြင့် သနားစရာကောင်းအောင်၊ သူတာဝန်ကျေတာအသိအမှတ်ပြု ပြီး အသက်ချမ်းသာပေးအောင်...  ပြောရှာတာပေါ့..

           ကျားအိုကြီး ငြီ်းတာက ဒီလိုပါ..
          "မင်းကသာ ကြောက်တဲ့ပုံပြနေတာ.. ငါက လှုပ်နိုင်တဲ့ပုံ ပေါ်လို့လား.. ငါက အစာ စားရ မစားရ အိုမင်းလွန်းလို့ သေတော့မှာကို.. မင်းပါးစပ်နားလာတာတောင် သွားတွေမစုံလို့ သွားဖုံးအနာခံပြီး ၀ါးချင်စိတ်မရှိဘူး.." စသည်ဖြင့် သူစီးပွားပျက်ပုံ.. အဲလေ.. သူဇရာထောင်းပုံကို ငြီးငြူပြောတော့တာပေါ့...

            ဒီနှစ်ကောင်က ငြီးသာငြီးငြူနေကြတာ.. တကောင်စကား တကောင်နားမလည်ကြပါဘူး.. ထင်တာဘဲလေ..

           ဒါပေမဲ့ သေချာတာကတော့  ရွာသားတွေက သူတို့စကားနားမလည်တာဘဲ..   ရွာထဲကနေ ခွေးအီသံနဲ့ ကျားမာန်ဖီသံကြားကြတော့ ဒုတ်ဆွဲ ဒါးဆွဲ ထွက်လာကြတာပေါ့.. ခွေးအိုကြီးရဲ့ သခင်အိုကြီးဟာလဲ (ဇာတ်နာအောင် ပြောတာပါ.. တကယ် အိုလားမအိုလား ပုံပြောသူ သေချာမသိပါ) သူ့ခွေးကို စိတ်ပူရှာလို့ အပြေးလိုက်လာခဲ့တယ်...

             ဇာတ်သိမ်းခန်းက ဒီလိုပါ..
         ရွာသားတွေက ကျားအိုကြီး အနားကို မကပ်ရဲကြတော့ ဝေးဝေးက လှမ်းမောင်းထုတ်ကြတယ်.. ကျားအိုကြီးလဲ လာမယ့်ဘေးက  သေဘို့ပိုနီးတော့ တလှုပ်လှုပ်နဲ့ တောထဲ ပြန်ဝင်သွားတယ်..

          ခွေးအိုကြီးကိုတော့ ဒင်းအူလို့ သူတို့ရွာနား ကျားလာရပါတယ်ဆိုပြီး စိတ်ဆိုးပြီး ၀ိုင်းရိုက်ကြတာ သူ့ခမျာ အားကိုးရမလား မျှော်မိပါတယ်.. သေမင်းနဲ့တွေ့သွားပါတော့တယ်..

            တကယ့် ဇာတ်သိမ်းခန်းကတော့ ခွေးပိုင်ရှင်ဘဲ မျက်ရည်စက်လက် ကျန်ခဲ့တာပေါ့..
         
           ဒါပေမဲ့ သူလဲ တခြားခွေး တကောင် ပြန်မွေးပြီး အရင်ခွေးအိုကို မေ့သွားမှာပါ.. (ပုံပြောသူ၏ မှတ်ချက်)

(ပုံထဲက  ကျားတွေနဲ့မဆိုင်လို့ ဒီကျားမျိုးဆိုရင် မောင်းမထုတ်ဘဲ ရအောင်ဖမ်းပြီး ရောင်းစားလိုက်ရင် ခွေးပိုင်ရှင် သဌေးဖြစ်မှာ သေချာတယ်.. သူခိုးစောင့်ဘို့ ခွေးလဲ မျိုးကောင်းဝယ်နိုင်သွားမှာ.. နောက်တခါမှ ဒီဇာတ်လမ်းကို ပြောင်းရေးဦးမယ်..)

မွေးနေ့မှာ ကြယ်တွေစုံခဲ့တယ်

မရေရာတာတွေ များခဲ့ပေမယ့်
မရေရာတာနဲ့ ခြေလှမ်းဆက်ပေမယ့်
မွေးနေ့မှာတော့ ကြယ်တွေစုံခဲ့တယ်..

လိုချင်တာရော မလိုချင်တာရော ရခဲ့တဲ့ ဘ၀ရဲ့လက်ဆောင်
ရင်မကွဲခင် အချိန်မှီမသိခဲ့ရတဲ့ အမှန်တရားများနဲ့..
ဆူးနဲ့အဆိပ်ရောထားတဲ့ ပျားရည်ခွက် ကိုကိုင်ရင်း
မွေးနေ့မှာ ကြယ်တွေစုံခဲ့တယ်...

အဖြူရောင်ချည်းဘဲ ဆွဲခဲ့တဲ့ ပန်းချီကားမို့
ဘယ်သူမှ မမြင်နိုင်ခဲ့လေသလား..
မျက်နှာသေတာက အကျင့်ဖြစ်ခဲ့ပြီလား..
ဝမ်းသာလား ၀မ်းနည်းလား မသိနိုင်အောင် ခံစားချက်တို့ ထုံပေခဲ့ပြီလား...
တစ်ခါရယ်မောဘို့ ဒီလောက်တောင် တန်ဘိုးကြီးနေလား.. အတွေးတွေနဲ့
မွေးနေ့မှာတော့ ကြယ်တွေစုံခဲ့တယ်..

ပေါင်းမိုးလေးနဲ့ လှေမှာ ရွက်လွှင့်ဘို့ စိတ်ကူး...
သာသာလေးရွေ့ဘို့ ရွက်တိုင်ကို ကြိုးစားထောင်ခဲ့တဲ့ကာလတွေ လွမ်းပါဘိတော့..
လေမုန်တိုင်းတွေ့ရင် ရုန်းထွက်ဘို့ အားမွေးထားကြလို့လှည့်ပြောလိုက်တော့မှ
နောက်မှာ ဘယ်သူမှမရှိတာတွေ့တဲ့ လှေသမား..
ငါနဲ့များတူလေသလား တွေးလို့ ..
တက်ကိုင်ရမလို ချရမလို ဇဝေဇ၀ါ ဖြစ်ပေမဲ့
အင်း... မွေးနေ့မှာတော့ ကြယ်တွေစုံခဲ့ပါတယ်...

အနိုင် အရှုံး

သူ့စကားမှာ ဒါးသွားတွေပါတယ်..

ကြားရရုံနဲ့ သွေးစက်စက်ထွက်နိုင်တယ်..

သူ့အကြည့်မှာ လှံသွားတွေ တပ်ထားတယ်..

လှံဖျားနဲ့ထိမိခိုက် အသက်ပါသွားနိုင်တယ်..

သူ့အတွေးထဲမှာ ကြိုးကွင်းတွေရှိတယ်..

ခြေလှမ်းမှားတာနဲ့ လည်ပင်းကိုရစ်ပတ်တော့မယ်..

ကိုယ်နားထဲမှာ ခြောက်ခုမြောက်အာရုံရတယ်..

သူ့ရဲ့ အပြင်ကိုထွက်မလာတဲ့ အသံတွေ ကြားနေရတယ်..

ကိုယ့်နှလုံးသား ကလုံးတစ်ခုပွားထားတယ်..

သူများမသိတဲ့ အကြောင်းတွေနဲ့ သေဆုံးသွားရင် .. 

မသေချင်ယောင်ဆောင်ထားနိုင်မယ်..

အနိုင်မလိုချင်လို့ တိုက်စစ်မဆင်တဲ့ပွဲ..

ခံစစ်မှာ မသေတဲ့သူ နိုင်တယ်..

နှစ်သစ်ဆုတောင်း

အေးဆေးပြီး ကိုယ်ကစကားမပြောရဘဲ သူများပြောတာနားထောင်ရင်း..
ကိုယ့်ဇာတ်လမ်းမှာ မျက်ရည်ကျမနေဘဲ သူများဇာတ်လမ်းမှာ ရယ်မောရင်း..
ကိုရီးယားဇာတ်လမ်းများနဲ့  တပါတ်အချိန်ကုန်သွားပါတယ်...


မြန်မာနှစ်သစ်ကူးမှာ အေးချမ်းတဲ့ နှစ်သစ် ပျော်ရွှင်တဲ့ နှစ်သစ် ပိုင်ဆိုင်ကြပါစေလို့ ဆန္ဒပြုချင်လို့ တခေါက်ပြန်လှည့်လာပါတယ်..
(ကိုရီးယားကား ခဏရပ်ပြီး...)

ပြန်ပျောက်သွားရင်လဲ.. ဘ၀ကို ခဏမေ့နိုင်တဲ့ နေရာကို သွားနေတယ်လို့ နားလည်ပေးပြီး ခဏမေ့ထားပေးကြပါလို့...

(မွေးနေ့ရောက်ရင် ငိုရလွန်းလို့ ဒီလမှာတော့ အားလုံးနဲ့ဝေးရာ ရှောင်နေလိုက်ဦးမယ်.. ဒါမှ သူတို့ ငါ့ကိုမတွေ့လို့ မေ့နေကြတာပါလေလို့ စိတ်ဖြေနိုင်မယ်မဟုတ်လား..)

အိမ်မက်စေတမန်သီချင်း တင်ချင်ပေမဲ့ အဲဒီသီချင်းဆိုရင် သိန်းဇော်အသံနဲ့မှလိုက်တယ်လို့ စိတ်မှာစွဲနေပြီး ရှာလို့မတွေ့လို့.. : )

လမ်းလျှောက်သူ

           လမ်းတွေ့ရင် လျှောက်ရရင်ပြီးရောလျှောက်နေသူများ ဒီကမ္ဘာမှာ  ဘယ်လောက်များများရှိနေပါလိမ့်...
            ဒီလမ်းကိုလျှောက်ခဲ့ဘူးတော့ ရှေ့မှာ အကွေ့တွေ့ရင် ဘယ်လိုလျှောက် အကောက်တွေ့ရင် ဘယ်လိုသွားနဲ့ လမ်းညွှန်သူတွေရော
ဘယ်လိုစိတ်နဲ့ ဆက်ပြောပြနေကြပါလိမ့်..

           ကိုယ်မသိတဲ့လမ်းကို စလျှောက်ခါစက လမ်းညွှန်ပေးသူရှိရင် ၀မ်းသာအားရလက်ခံနားထောင်တတ်တာ ကိုယ်က အကောင်းမြင်တတ်သူမို့ဘဲလား...
           ကိုယ်လမ်းညွှန်ပြလိုက်လို့ မျက်နှာမဲ့သွားတာကိုမြင်လိုက်ရင် ဆက်မပြောဖြစ်တော့တာ ကကော ကိုယ်အဆိုးမြင်သမားဖြစ်သွားလို့လား...

          စိတ်ကုန်လွန်းလို့ အကွေ့တွေ့တွေ့ အကောက်တွေ့တွေ့ တွေ့ချင်ရာတွေ့ လုပ်ချင်တာလုပ် ပစ်ထားလိုက်မိတာက ကိုယ့်အဆိုးလား...
          ပြောလိုက်ရင် ပြောင်းပြန် တမင်တကာလုပ်တာကို မြင်ရဖန်များတော့ မပြောဘဲထားတာက သူ့လမ်းဖြောင့်ပေါ်ရောက်နိုင်တယ်လို့ တွေးပြီး နှုတ်ဆိတ်နေလိုက်တာ ကိုယ့်စေတနာလား...

   

     နောက်က ခြေရာကြည့်လိုက်ချင်သူတွေလိုက်ခဲ့လို့ရအောင်.. မလိုက်ချင်သူတွေ သွေဖည်လျှောက်သွားတာ စိတ်အနှောက်အယှက် တစက်ကလေးမှ မဖြစ်ရအောင်...
      လမ်းပေါ်မှာ တိတ်တိတ်ဆိတ်ဆိတ်နဲ့ အေးအေးဆေးဆေး နောက်လှည့်မကြည့်ဘဲ ရှေ့ကိုသာအာရုံပြု လျှောက်နိုင်သူ ဖြစ်ရပါစေသား...

နှုတ်ပိတ်ခြင်း

                စင်္ကာပူ လူအိုရုံတခုမှာ သူနာပြုက ဆောင့်ကြီးအောင့်ကြီး လုပ်ကိုင်ပေးနေရာကနေ စကားပြောနေတဲ့ ( complaint လုပ်နေတာလဲ ဖြစ်ချင်ဖြစ်မှာပါ ) အဖိုးကြီး ဒါမှမဟုတ် အဖွားကြီးရဲ့ ပါးစပ်ကို ဖြတ်ကနဲ ရိုက်လိုက်တဲ့ မြင်ကွင်းကို မြင်လိုက်တိုင်း ရင်ထဲမှာ တင်းကနဲ ဖြစ်သွားတာဟာ အသားကို မကျနိုင်တဲ့ ခံစားမှုပါဘဲ။
            ရင်ထဲမှာ ခံစားရတာကို ပြောဘို့ ကြိုးစားရင်း အမှတ်မထင် ဖြတ်ရိုက်ခံလိုက်ရတဲ့ ခံစားမှုကို  ကောင်းကောင်း နားလည်ပါတယ်။ လက်နဲ့ဖြတ်ရိုက်စရာ မလိုဘဲနဲ့တောင် ရူးနေလားလို့ သဘောရတဲ့၊ ဘာတွေပြောနေတာလဲလို့ သဘောရတဲ့၊  လူရာမ၀င်ဘဲ လာမရှုပ်နဲ့လို့ သဘောရတဲ့၊  အဘိုးမတန်တဲ့ စကားတွေလာမပြောနဲ့လို့ သဘောရတဲ့၊........  အကြည့်တချက် ခေါင်းတချက် အငဲ့အတွက်တောင် ခံစားရသေးတာ။
         အဲဒီ အကြည့်မှာ  စတုပစ် ရှစ် စတဲ့ စော်ကားမော်ကား စကားလုံးတွေတောင်ပါလို့ နားစည်ထဲမှာ ထိန်းကနဲ မြည်အောင် သွေးလဲတိုးလာစေပါတယ်။

             ဒါပေမဲ့ ဘ၀နေ၀င်ချိန်ရောက်လို့ စကားပြောတာကလွဲလို့ ဘာမှ မလုပ်နိုင်တော့တဲ့ အရွယ်ရောက်ရင်၊ စကားပြောတာကိုလဲ သည်းခံနားထောင်ပေးမယ့်သူမရှိတော့တဲ့ အချိန်ရောက်ရင်၊ ၀န်ထုပ်ဝန်ပိုးဘဲ ဖြစ်နေစေပြီး အကြံဥာဏ်လေးတောင် ပေးဘို့ နည်းနည်းမှ အသုံးမ၀င်တော့တဲ့ အချိန်ကိုရောက်ရင်...

                        

 ကြိုတင်အားထုတ်နိုင်ရန် နည်းကောင်းလေး ပေးပါရစေ....  

                 စပါးနှံ အဆံပြည့်၍ငုံ့၊ လူကုံတန် စိတ်မာန်လျှော့၍ကြုံ့ ဆိုစကားအရ စိတ်မာန်လျှော့ထားနိုင်ရင် လူကုံတန် ဖြစ်ပါလိမ့်မယ်။ ကိုယ်က အရာမ၀င်လို့ ပါးစပ်ပိတ်ခံရတဲ့ အခါတိုင်း ကိုယ့်ကိုယ်ကို လူကုံတန်အဖြစ်ခံယူပြီး ငြိမ်နေလိုက်ကြပါကုန်...
             
                   ကြိုတင်၍ ပါးစပ်ဖြတ်ရိုက်မခံရအောင် ကာကွယ်သောအနေနဲ့ ၀စီပိတ်နေနိုင်အောင် ကျင့်ကြံကြပါကုန်... နေ၀င်ချိန်သာယာလိုသူ သူတော်ကောင်းအပေါင်းတို့.....

အိမ်ပြန်ချင်တဲ့ အလွမ်း

      ဒီလ ၂၀ ရက်နေ့က အလည်ရောက်နေတဲ့ ကျမရဲ့ မောင်လေး ပြန်သွားပါတယ်.. 

      ကျမရဲ့မောင်လေးက ကျမထက် ၉ နှစ်ငယ်တော့ ကျမက သူငယ်ငယ်က သားလို့ဘဲ ခေါ်နေကျပြီးသူကလဲ အခုထိ ကျမနဲ့ စကားပြောရင် သူ့ကိုယ်သူ သားလို့ ပြောတုန်းပါဘဲ။

       သူပြန်သွားတော့ ကျမငိုမလားလို့ ယောင်္ကျားက ကျမကို မျက်နှာကြည့်ရင်းနဲ့ ဘာသွားစားကြမလဲလို့ အာရုံလွှဲတဲ့ စကားဆိုပါတယ်။

       ကျမကလဲ ဘာမှမလွတ်ရအောင် ကော်ဖီဘဲသောက်ကြရအောင်လို့ ခပ်တည်တည်နဲ့ ပြောပြီး ကော်ဖီဆိုင်မှာ ထိုင်တော့မှ အစဉ်အလာမပျက် မျက်ရည် တပေါက်နှစ်ပေါက် ထွက်ပါတော့တယ်။

         မောင်လေးရောက်နေခိုက်မှာ သူနဲ့ စကားပြောတိုင်း ကျမဘယ်တော့ ပြန်လာမယ်လို့ တခွန်းမှ မဟဘဲ လုပ်စရာရှိတာတွေကို နင်ကြုံရင် ဘာလုပ်ပေး၊ နင်အားရင် ဘာလုပ်ထားနဲ့ မှာတမ်းရှည်တွေ တပုံတပင်ပေးလိုက်တော့သူလဲ လုပ်စရာ တွေပိပြီး ပြန်သွားရရှာပါတယ်။ အစ်မက ၉ နှစ်ကြီးတော့ သူက ကိုယ်ဘာသာကိုယ် ပြန်လာလုပ်ပါလားလို့ ငယ်ငယ်ကလို ဘုဂလန့် မပြောတော့ပါဘူး။ သူတော်တော် လိမ္မာလာပြီး အစ်မကတော့ တော်တော် မိုက်လာပါတယ်။ ကြီးမိုက်ပေါ့.. 

         သူကလဲ အငယ်ပီသစွာ ကျန်းမာရေးဂရုစိုက်ဘ်ို့၊ စိတ်အေးချမ်းသာအောင် နေတတ်ဘို့၊ ဂလန့်လုပ်တာတွေ လျှော့ဘို့ ကို လှည့်ပတ်ပြီး နားလည်အောင်ပြောပါတယ်.. အေးပါ အေးပါ .. ငါမှာတာတွေ မမေ့နဲ့လို့ မြန်မြန်လက်စသပ်လိုက်တာပေါ့..  ငါက အကြီးဘဲ.. သူမှာတာတွေ ငါမေ့လို့ရတာပေါ့. ဟိ ဟိ 

      ကျမမှာလိုက်တဲ့ ကိစ္စတွေထဲက တခုဖြစ်တဲ့ သူ့သားလေးဘို့ အ၀တ်အစားတွေတော်မတော် ၀တ်ပြပြီး ဓါတ်ပုံပို့ပေးဆိုတဲ့ အမှာစာကို သူပထမဆုံး အကောင်အထည်ဖေါ်ပါတယ်။ သားလေးဟာ အင်္ကျီတွေ ဘောင်းဘီတွေဝတ်ပြလိုက်၊ ကစားစရာတွေကို ထုတ်ဆော့နေလိုက်၊ ကျောပိုးအိတ်ကို လက်ကိုင်က ဆွဲပြလိုက်နဲ့ တော်တော် စိတ်ညစ်နေတဲ့ပုံလေးတွေ ရောက်လာပါပြီ။ ယောက်မ ပစ္စည်းတွေ ထိုင်ရှင်းနေရတဲ့ပုံလဲပါလာပါတယ်။ 

       ကိုယ်ဝယ်ပေးလိုက်တာလေးတွေ သူနဲ့လိုက်သား၊ တော်သားနဲ့  တွေးမိပေမဲ့ ကျမပျော်ရမယ့်အစား ငိုချင်လာပြန်ပါပြီ။ အဓိက က ဓါတ်ပုံတိုင်းမှာပါတဲ့  ကြမ်းပြင် တရားခံပါဘဲ။ 

   

         ဘာဖြစ်လို့ ကြမ်းပြင်က တရားခံ ဖြစ်ရတာလဲ မမေးပါနဲ့.. ဒီကြမ်းပြင်က  ကျမအဖေနဲ့ အမေက မိုးတွေဆက်တိုက်စွေနေလို့၊ သမံသလင်းနဲ့ ခြေထောက်မထိနိုင်အောင်အေးလို့ဆိုပြီး လက်သမားဆရာ ချက်ခြင်းခေါ် ချက်ခြင်းသစ်ဝယ်ပြီး ခင်းခဲ့တဲ့ တကယ့် မိဘအမွေအနှစ်ပါ။ 

         ကျမနဲ့ နှစ်ပေါင်းများစွာ အတူနေခဲ့ တဲ့ ကြမ်းပြင်ပါ။ ဒီကြမ်းပြင်မှ ကျမလက်ရာတွေ၊ ကြောရာတွေ၊ ခြေရာတွေ အပြည့် ရှိပါတယ်။  

    ပင်ပင်ပန်းပန်း ကြမ်းတိုက်ရလို့ အမြဲ ပြသနာရှာခဲ့တဲ့ ကြမ်းပြင်ပါ။ ခွာပစ်ပြီး ကြွေပြားခင်းပစ်မယ်လို့ အမြဲတွေးခဲ့တဲ့ ကြမ်းပြင်ပါ။ 

    ဒါပေမဲ့ ဓါတ်ပုံထဲမှာ မြင်ရတဲ့ ကြမ်းပြင်ပေါ်မှာ ကျမ ပါးနဲ့ ကပ်ပြီး အိပ်ချင်ပါတယ်။ ဖျာတောင် မခင်းချင်ပါဘူး..

      TV ပျက်သွားတယ်။ ဆိုင်ပို့ထားတယ်လို့ မောင်လေးကပြောတော့ ကျမက ထားလိုက်တာမဟုတ်ဘူး.. ငါပြန်လာတော့မှ ပြင်မှာပေါ့လို့ ပြောလိုက်ပါတယ်။ 

      ဒီဟာကျမှ ငါပြန်လာမှလုပ်မယ် ပြောတော့ မောင်လေးက ထူးဆန်းပြီး မေးလို့နင်ပိုက်ဆံကုန်မှာပေါ့.. ထားလိုက်..လို့ ကျမဖြေလိုက်ပါတယ်။ အဆီအငေါ်မတည့်မှန်းတော့ သိပါတယ်။ ပြန်ဘို့တော့ အကြောင်းရှာမှ ဖြစ်တော့မယ်လေ...

ဗမာဆိုင်းဝိုင်းစစ်စစ်နဲ့ ဆိုထားတဲ့ လက်ရေတပြင်တည်း (တကယ့်သီချင်းနံမည်က ဇာတိနွယ် ပါ) သီချင်းကို YouTube မှာ တွေ့လို့ တင်ပေးလိုက်ပါတယ်။ အားလုံး ကျမလို လွမ်းစေချင်လို့.. 

စိမ်းလန်းတဲ့ သစ်ပင်တွေလို ရှင်သန်ကြမယ်

လဲကျရင် ပြန်ထတတ်ရမယ် 

ဒါဏ်ရာရတဲ့နေရာက ပိုမာကျောလာရမယ် 

ကိုင်းကျိုးကျရင် အသစ်ပြန်ထွက်တဲ့ အညွန့်က ပိုအားကောင်းလာရမယ်

စိမ်းလန်းတဲ့ သစ်ပင်တွေလို ရှင်သန်ကြမယ် 

အရောင်ရှိသော နေ့များ

     နေညိုချိန်ရောက်ပြီဆိုတော့ ရှေ့ဆက်တိုးဘို့ကို ချင့်ချိန်ရင်း နောက်ပြန်လှည့်ကြည့်တတ်လာပြီ...

     မိုးသောက်ခါစ အချိန်တွေတုန်းက မိုးလင်းလာရင် ဖြစ်ချင်တာတွေကို အားကြိုးမာန်တက်လုပ်ဘို့ အင်အားအပြည့်နဲ့ ...
လောကကြီးကလဲ လန်းဆန်းတဲ့ စိမ်းလန်းတဲ့ သစ်ပင်အရောင် ...
အဲဒီအချိန်က လေကလဲ လတ်ဆတ်လွန်းလှပါလား.. အသက်ဝအောင် ရှုနိုင်ခဲ့တဲ့ အဲဒီအချိန်ကအေးတဲ့လေရဲ့ အနံ့ကို အခုဘဲ ရလာသလိုလို...
ပြန်တွေးမိတိုင်း အစိမ်းရောင်ကို မြင်ရသလို အေးချမ်းခဲ့တဲ့ အချိ်န်များ....

     နေထွက်လာတော့  အခက်အခဲတွေကိုလဲ မရှာဘဲ တွေ့..
အေးတဲ့အခါအေး ပူတဲ့အခါပူနဲ့ ဘ၀ဆိုတာ ဒါလားလို့ တွေးတတ်လာတဲ့ နေသာချိန်ကို ရောက်လာခဲ့တယ်...
အရိပ်ထဲရောက်ရင်အေး.. အပြင်ထွက်မိရင် ပူနဲ့ .. အရိပ်အောက်ရောက်ရင် ပူခဲ့တဲ့ အချိန်ကို မေ့နိုင်ခဲ့သေးတယ်..
အပူနဲ့အအေး မျှခံစားနိုင်တော့ ပြန်စဉ်းစားရင် နွေးထွေးတဲ့ လိမ္မော်ရောင်လိုပါဘဲ...
ကြိုက်သလားဆိုတော့လဲ မကြိုက်လှပေမဲ့   မေ့ပစ်ဘို့လဲ မဖြစ်နိုင်နဲ့ ဝေတေ၀ါးတား ...
အသက်ရှူမိသလား မရှူမိသလား မသိ ... ရှေ့ဆက်ရောက်ရင်ပြီးရောနဲ့ ဖြတ်ကျော်ခဲ့ပြီး
နောက်တခါလျှောက်ရင်ဒီလမ်းကို မလျှောက်တော့ဘူး တွေးတဲ့အခါတွေး..  နောက်ဘ၀ထိလဲ လျှောက်ဦးမယ်လို့ တွေးတဲ့အခါတွေး တဲ့ ....
လိမ္မော်ရောင်လမ်းကလေး...

     နေမြင့်လာတော့ အရူးရင့်တာပေါ့.. မျက်စေ့တွေ မီးတောက်မြင်လောက်အောင်ပူတော့ မြင်သမျှ အပူ..
ရေလဲပူ .. လေလဲပူ.. ပြန်မတွေးချင်လောက်အောင်ပူ...
သဲကန္တာရအပူ ... မီးတောက်အပူ ...အနီရဲရဲ အပူ...
တော်လောက်ပြီ..  self ignite ဖြစ်တော့မယ်....

    နေညိုချိန်ရောက်မှ နားရတော့မယ်.. ငှက်လေးတွေတောင် အိပ်တန်းပြန်တော့မယ်..
ပူထားတဲ့ အရှိန်ကြောင့်.. လောင်ထားတဲ့မီးကြောင့် .. အပူက တငွေ့ငွေ့..
နေစွယ်ကျိုးတော့ အလင်းရောင် ခပ်ဖျော့ဖျော့...
အေးချမ်းပါပြီ .. အနားရပါပြီလို့ အပီအပြင်မပြောနိုင်...
ကိုယ်ကိုယ်ကို ပြန်မြင်ကြည့်ရင် မီးခဲမှာ ကပ်နေတဲ့ပြာလို မွဲပြာပြာ ...
ကောက်ရိုးပြာ ...



               ဒီလောက်တောင် နွမ်းဖတ်နေရင်တော့ အနက်ရောင် ညအမှောင်ကို မကြောက်ဘဲ တိုးရဲပြီပေါ့
ကြောချမ်းအောင်ဘဲ မှောင်မှောင် .. ဘာအလင်းရောင်မှ မရှိတဲ့ အနက်ရောင်က တော်တော်အေးတာနဲ့တင် ကျေနပ်နိုင်ပါရဲ့..
အမှောင်ထဲမှာ လမ်းဖြောင့်ဖြောင့် ကောက်ကောက် ဘာမှ အရေးမပါတော့ပါဘူး.. လျှောက်ရမယ့်လမ်း ဆက်သာလျှောက်..

နောက်တနေ့ မနက်က စောင့်နေမယ် ထင်ရဲ့...

နွားတော့နွား .. ဒါပေမဲ့ သင်းကွဲနွား

ကျားဖြစ်အောင်မွေးခဲ့ပေမဲ့ နွားဖြစ်သွားတော့လဲ
အသားကျွေးစရာမလိုတော့ဘူးပေါ့လေ...

သူ့အသားမစားရတော့လဲ ကုသိုလ်တမျိုးဖြစ်
ကိုယ့်အသားမပါသွားဘို့တော့ သတိထားရမယ်....

ကိုယ်မွေးတဲ့နွား သူများကျားစားမသွားဘို့တော့
နေ့ည ကင်းစောင့်ရင်း မျက်တွင်းလဲ ချောင်တောင်တောင်...

ပညာမတတ်တဲ့နွားမွေးမိတော့ လှစ်ခနဲဆိုပြေးပြန်
အော်.. နွားကွဲရင် ကျားဆွဲတတ်တယ်ဆိုတာ မသင်ပေးမိသူအပြစ်ပါဘဲ..

ကျားတွေက အမဲသားကြိုက်တယ်တဲ့.. အ, တဲ့နွားအသားပိုချိုဆိုဘဲ.....
ကဲ.. အဲဒီတော့....

နှောင်ကြိုးမဲ့ နှစ်သစ်

မနှစ်က ၂၀၁၁ ခုနှစ်၊ အခု နှစ်သစ်က ၂၀၁၂.. ရက်ပိုင်းလေးသာ ကွာခြားပေမဲ့ တနှစ်တော့ခြားခဲ့ပြီပေါ့။

ဘာတွေချန်ထားခဲ့ချင်လဲ.. ဘာတွေယူသွားချင်လဲမေးရင် ခုထိမပြတ်မသားဖြစ်နေဆဲပါဘဲ..

သေချာတာတခုက စိတ်ဆင်းရဲစရာကြီးတွေတော့ သယ်မလာချင်တော့ဘူး.. စိတ်ချမ်းသာစရာလေးတွေတော့သယ်လာချင်တယ်လေ။

ဒါပေမဲ့ စိတ်ဆင်းရဲစရာရော စိတ်ချမ်းသာစရာရော ပေးတာက အရာတခုထဲဖြစ်နေရင်ကော ဘယ်လိုလုပ်ကြမလဲ..

ဥပမာ ..   သားသမီး.. ယောင်္ကျား..  အိမ်..   မဖတ်ရမနေနိုင်တဲ့ ဘလော့တွေ... CNA သတင်း...  ငွေ..

ကဲ... သေချာပေါက် သယ်လာမိနေတာကတော့ အဲဒီ မပြတ်မသား အတွေးတွေပါဘဲ..

အထုပ်အပိုး မှန်သမျှ လေးတာချည်းဘဲတဲ့.. အမတယောက်က ပြောဘူးတယ်.. ဟုတ်တယ်နော်.. ဘယ်တုန်းက စ လေးလာမှန်းတောင် သတိမထားမိခင်မှာ.. လူက ပိပြားစ ပြုနေပြီ။

ပြတ်သားနိုင်တဲ့နေ့မှာ.. အားလုံးကို ထားခဲ့ပြီး  အဝေးကြီးကို ထွက်သွားတော့မယ်.. ခြေရာမချန်ကြေး.. လမ်းကြောင်း မထားခဲ့ကြေးပေါ့.. 

ခုထဲက  hand phone ပိတ်ပြီးနေတတ်အောင် ကျင့်နေပါတယ်.. ဘာမှမကြားချင်ဘူး.. TV တောင် အသံပိတ်ထားတာ.. ရုပ်မြင် အသံမကြားပေါ့.. 

ဖုန်းထဲက angry bird ရော..  sudoku ရော... တာ့တာဘဲ.. 

                                                                                                                                    

 ဒါပေမဲ့ ညနေဘက်မှာ ဖုန်းဆက်မရဘူးဆိုပြီး massage များပို့ထားမလားလို့ ဖွင့်ပြီးကြည့်မိတုန်းဘဲ..

ဘာဘဲဖြစ်ဖြစ် ၂၀၁၂ မှာ တင်းသမျှ နှောင်ကြိုး အကုန်ဖြတ်မယ် .. သန္နိဋ္ဌာန်..   သန္နိဋ္ဌာန် ..  (ရှိုင်းဝဏ္ဏအောင်လေသံဖြင့် ရွတ်ပါ)